Estimad@s nais e pais de alumn@s do C.R.A. de Ribadumia,
tras varios meses de duro traballo, organizamos un plan madruga, pensando en resolver un dos que considerabamos que era dos maiores problemas do CRA.
E fixémolo esquivando obstáculos, negociando e petando en portas que, a pesar de que se abriron, ata agora resultaron improductivas, e baseándonos no resultado de varias enquisas e a pre-inscripción realizadas, adicando horas e ilusión a este proxecto.
Por desgraza, finalmente os datos cos que contábamos, que foron a base de tódalas negociacións, e a razón do noso esforzo, non resultaron todo o fiables que esperabamos, e finalmente non chegamos ó mínimo de nen@s para que nos den o servizo nas condicións pactadas.
Tivemos unha reunión de urxencia co Concello, pedindo unha vez máis unha colaboración que non da chegado, á espera pola súa parte de estudar a situación.
Pero non podemos permitirnos esperar outros tres meses para obter unha resposta, polo que, tras retomar conversacións e negociacións nunha mañán de tolos, atopamos unha solución eventual, ata que consigamos estabilizar o proxecto atendendo ás novas circunstancias que nos atopamos a última hora. Un obstáculo máis que esperamos salvar coa vosa colaboración e comprensión.
Decidimos subir a cuota en DOUS EUROS este mes de Outubro, como medida temporal, tras chegar a un novo acordo coa empresa que nos servirá do plan madruga, xa que non nos quedou outra saída que buscar un servizo privado.
Ainda así, esa cuota non chega para cubrir o custo do servizo, polo que a ANPA cubrirá o restante durante este mes, e aportará personal para colaborar co servizo e reducir custes.
Para nos é un gran esforzo, entendede que acabamos de nacer e os fondos son CERO.
Por todo iso, finalmente o Plan Madruga terá un custo, neste primeiro mes, de TRINTA E DOUS EUROS.
Os usuarios do servizo poderán deixar ós nenos na AULA DE RIBADUMIA a partir das OITO.
Mentres, seguiremos na busca dunha mellor solución.
Podedes deixar os vosos comentarios, queixas e suxerencias a continuación. Queremos que participedes e opinedes.
Un saudo a tod@s, e grazas de antemán pola vosa comprensión.
Ramiro Lorenzo Valbuena, presidente da ANPA.
ANPA DO CRA DE RIBADUMIA 